1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

KABUL: Shambulizi jipya limeua watu 10 Afghanistan

Nchini Afghanistan,shambulio la kujitolea muhanga limeua si chini ya watu 10 na kujeruhi hadi 40 wengine,katika wilaya ya Paktia.Shambulio hilo, limetokea siku moja tu baada ya wanajeshi 3 wa Kijerumani na raia 6 wa Afghanistan kuuawa katika shambulio la mwanamgambo aliejiripua katikati ya soko kwenye mji wa Kundus,kaskazini mwa nchi. Waziri wa ulinzi wa Ujerumani,Franz-Josef Jung amesema,vikosi vya Ujerumani vitaendelea kufanya kazi zake nchini Afghanistan,licha ya kutokea vifo vya wanajeshi hao.Akaongezea kuwa mashambulio hayatoizuia Ujerumani kutoa msaada kwa serikali na raia wa Afghanistan,kuijenga upya nchi yao.Katika shambulio la hiyo jana,vile vile raia 13 wa Afghanistan,wanajeshi 5 wa Kijerumani na mkalimani wao walijeruhiwa.Waasi wa Taliban wamedai kuwa ndio waliohusika na shambulio hilo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com