1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

JERUSALEM: Wanajeshi 36 wajeruhiwa kwenye shambulizi la maroketi

Wanajeshi 36 wa Israel wamejeruhiwa hii leo kufuatia shambulizi la maroketi. Msemaji wa jeshi la Israel amesema maroketi hayo yamevurumishwa na wanamgambo wa kipalestina kutoka Ukanda wa Gaza.

Maroketi hayo yameanguka katika kambi ya jeshi ya Zikim iliyo kaskazini mwa Ukanda wa Gaza.

Hakuna taarifa zaidi zilizotolewa kuhusu majeraha waliyoyapata wanajeshi wa Israel lakini wamepelekwa kutibiwa katika hospitali na helikopta mbili na magari takriban 20 ya kubebea wagonjwa.

Shambulizi hilo limeelezwa kuwa baya zaidi kuwahi kufanywa katika kipindi cha miezi kadhaa iliyopita, na huenda likaongeza shinikizo dhidi ya serikali ya Israel itafute njia ya kuyamaliza mashambulizi ya maroketi yanayofanywa na wanamgambo wa kipalestina.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com