1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

JERUSALEM: Jeshi la Israel layafunga maeneo ya Wapalestina

Jeshi la Israel limetangaza limeyafunga maeneo ya Wapalestina kwa muda usiojulikana wakati wa kuanza mwaka mpya wa kiyahudi.

Msemaji wa jeshi la Israel amesema kwa mujibu wa uamuzi wa waziri wa ulinzi wa Israel na ikizingatiwa tathimini ya hali ya usalama, maeneo ya Judea, Samaria na Ukanda wa Gaza yamefungwa kuanzia saa sita usiku wa kuamkia leo.

Hata hivyo Israel imesema itaruhusu Wapalestina wanaohitaji misaada ya kiutu na huduma za dharura wapite.

Jeshi la Israel limesema Wapalestina takriban 1,600 walio katika eneo la Ukingo wa Magharibi wa mto Jordan wataruhusiwa kuingia Israel kuvuna zeituni.

Wakati huo huo, Israel imewaonya vikali wanamgambo wa kipalestina katika Ukanda wa Gaza walioishambulia kwa maroketi kambi ya jeshi la Israel ya Zikim na kuwajeruhiwa wanejeshi takriban 69.

Waziri wa mashauri ya kigeni wa Israel, Tzipi Livni, amesema Israel ina uwezo wa kijeshi kukabiliana na wanamgambo katika Ukanda wa Gaza.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com