1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

JEDDAH:Saudi Arabia mbioni kufungua ubalozi wake Iraq

Saudi Arabia imesema leo kuwa itapeleka ujumbe nchini Iraq wiki ijayo katika maadalizi ya kuufungua ubalozi wake mjini Baghdad ikiwa ni zaidi ya miaka minne toka majeshi ya Marekani na washirika yalipoivamia Iraq.

Waziri wa mambo ya nje wa Saudi Arabia Prince Saud al Faisal amesema kuwa hatua hiyo ni ishara ya nchi yake kurejesha uhusiano kamili na Iraq

Nchini Iraq kwenyewe Waziri Mkuu wa serikali ya kishia , Nour al Maliki amepata pigo lingine baada ya mawaziri wanne zaidi kutangaza kususia vikao vya baraza la mawaziri.

Wiki iliyopita kundi kubwa la mawaziri wa upande wa wasunni lilijiondoa serikali kutokana na waziri mkuu huyo kushindwa kutimiza matakwa yao yakiwemo ya kupewa usemi mkubwa katika masuala ya kiulinzi.

Wakati huo huo takriban watu 28 wameuawa katika shambulizi la kujitoa mhanga katika mji wa Tal Afar uliyoko kaskazini mwa Iraq.

Kwengineko askari wanne wa Marekani wameuawa wakati waliposhambuliwa na bomu huko katika jimbo la Diyala.Duru za jeshi la Marekani zimesema kuwa askari wengine 12 wamejeruhiwa.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com