1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

JAKARTA: Indonesia yataka isaidiwe kuitafuta ndege ya abiria

Indonesia imeomba isaidiwe kutafuta mabaki ya ndege ya abiria ya shirika la Adam Air aina ya Boeing 737 iliyoanguka Jumatatu wiki hii kufuatia hali mbaya ya hewa.

Juhudi za kutafuta ndege hiyo bado zinaendelea licha ya kutatizwa na hali mbaya ya hewa, ukosefu wa vifaa, milima na maji yaliyochafuka. Ndege za jeshi la angani na meli za jeshi la wanamaji zimeendelea kuitafuta ndege hiyo lakini mpaka sasa haijaonekana.

Wakati huo huo, watu wengine 12 wameokolewa siku nne baada ya feri walimokuwa wakisafiria kuzama katika pwani ya kisiwa cha Java. Mwanamme mmoja kwa jina, Suyanto, ameokolewa pamoja na mwanawe wa kiume, Anggi, akisema walikula mkate mkavu na chakula kilichoangushwa baharini na wanajeshi.

Watu zaidi ya 200 walinusurika katika ajali hiyo ya feri.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com