1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

ISTANBUL:Mzozo wa kisiasa nchini Uturuki

Zaidi ya watu millioni moja waliandamana katika mji wa Izmir nchini Uturuki kuipinga serikali yao.

Maandamano hayo yaliitishwa na makundi yanayopinga utawala wa kidini kuishinikiza serikali ya chama chenye misingi ya kidini cha AK.

Wakosoaji wanasema chama tawala cha AK kina lengo la kuongeza ushawishi wa kidini katika jamii.

Maelfu ya polisi walipelekwa kwenye mji wa Izmir hapo jana kuzuia machafuko kwenye maandamano hayo yaliyofanyika siku moja baada ya shambulio la bomu lililofanywa kwenye soko moja na kusababisha kuuwa kwa mtu mmoja na 14 kujeruhiwa.

Maandamano ya jana yamefanyika baada ya maelfu ya watu kuandamana katika miji ya Ankara na Istanbul mwezi uliopita.Wandaaji wa maandamano hayo wanatumai matukio hayo yataviunganisha vyama vya upinzani kabla ya uchaguzi mkuu July 22.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com