1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

ISLAMABAD:Maandamano yakupinga mashambulio dhidi ya Bhutto

Mamia ya waandamanaji wenye hasira wamefanya mikutano na kuzuia njia kwa kuwasha moto katika barabara za miji kadhaa kusini mwa Pakistan kufuatia tukio la jaribio la kutaka kumuua waziri wa zamani wa nchi hiyo Benazir Bhutto.

Waandamanaji hao wengi wakiwa vijana waliwalazimisha wafanyibiashara kufunga maduka yao katika wilaya ya Liari huko Karachi na kuwapiga mawe polisi wakupambana na fujo.

Watu watano wamejeruhiwa kufuatia ghasia hizo.

Benazir Bhutto amelayalaumu makundi kadhaa ya wanamgambo yaliyoko nchi jirani kwa mashambulio hayo.

Maafisa wa Pakistan wanashuku jaribio hilo la kumuua Bhutto lilipangwa na kiongozi wa Taliban.Hata hivyo Kiongozi huyo Kamanda Baitullah Mehsud mwenye makao yake katika jimbo tete karibu na Afghanstan amekanusha madai hayo akisema Taliban kamwe haijafikiria kumuua mtu asiye na hatia.

Licha ya hali ya mambo Bhutto leo hii anakutana na viongozi wa chama chake kupanga mikakati zaidi ya kuendeleza kampeini yake kabla ya uchaguzi.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com