1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

ISLAMABAD: Watu 11 wauawa kwenye mapigano

Watu takriban 11 wameuwawa na wengine 150 kujeruhiwa wakati wa mapambano baina ya maafisa wa usalama na wanafunzi kwenye msikiti mmoja mjini Islamabad Pakistan.

Machafuko hayo katika msikiti wa Lal Majid yalianza jana mwendo wa saa sita mchana wakati wanafunzi hao walipowakamata maafisa wanne wa polisi waliokuwa wakishika doria kwenye kituo cha upekuzi. Mapigano makali yalizuka na kuendelea hadi jana usiku.

Mzozo wa msikiti wa Lal Majid au msikiti mwekundu ulianza mnamo mwezi Februari mwaka huu wakati maelfu ya wanafunzi wenye siasa kali ya kiislamu wafuasi wa msikiti huo, walipojaribu kulazimisha utawala wa kiislamu wa kitaliban miongoni mwa wakaazi wa mjini Islamabad.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com