1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Islamabad. Pakistan yaonyesha ishara ya kuiachilia Kashmir.

Pakistan imeonyesha ishara ya kuwa tayari kuacha madai yake katika eneo linalogombaniwa la Kashmir, iwapo India itakubali suluhisho la amani.

Katika mahojiano na kituo cha televisheni ya India cha NDTV, rais Pervez Musharaff amesema kuwa hii itajumuisha pendekezo la utawala wa ndani chini ya uangalizi wa mataifa yote hayo mawili na kuyaondoa majeshi ya India kutoka katika eneo ambalo linatawaliwa na India katika Kashmir.

Lakini ameondoa uwezekano wa jimbo hilo kuwa huru.

India na Pakistan zimepigana vita mara mbili kuhusu jimbo la Kashmir tangu mwaka 1948.

Majadiliano juu ya suluhisho katika mzozo wa Kashmir yamekuwa yakiendelea tangu mwaka 2004.

Hakujakuwa na jibu kuhusiana na mpango wa utawala wa ndani uliotolewa na Musharaf kutoka India.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com