1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

ISLAMABAD: Maandamano yafanyika Islamabad

Maelfu ya mawakili na wanaharakati wa kisiasa nchini Pakistan wanafanya maandamano nje ya mahakama kuu mjini Islamabad huku kesi kati ya rais Pervez Musharaf na jaji anayejaribu kumfuta kazi ikiendelea hii leo.

Rais Musharaf aliitumbukiza Pakistan katika mzozo mkubwa wa kisheria mnamo tarehe 3 mwezi uliopita wakati alipomsimamisha kazi jaji mkuu Iftikhar Chaudhry na kuamuru jopo la majaji lichunguze madai ya utovu wa nidhamu dhidi ya jaji huyo.

Wakipiga kelele za kumtaka rais Musharaf ang´atuke, mawakili na watetezi waliizingira gari alimokuwa jaji Chaudhry wakali alipowasili kwenye mahakama mjini Islamabad.

Kiongozi wa upinzani, Imran Khan, amesema maandamano ya leo yanalenga kutoa ujumbe kwa mahakama kwamba haipaswi kutii amri inayotolewa na makao makuu ya jeshi la Pakistan.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com