1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

ISLAMABAD: Bhutto azuru mji wa Lahore

Kiongozi wa upinzani nchini Pakistan, Benazir Bhutto, leo anazuru mji wa Lahore mashariki mwa Pakistan.

Katika ziara yake hiyo, Bi Bhutto yuko katika awamu mpya ya kampeni yake kujaribu kurejesha demokrasia nchini Paksitan.

Waziri mkuu huyo wa zamani wa Pakistan ameileza nchi hyio kuwa jiko la gesi ambalo linasubiri kulipuka wakati wowote akizingatia vurugu zinazoendelea nchini Pakistan kwa wakati huu.

Hapo awali alishiriki kwenye maandamano ya wanachama wa vyombo vya habari mjini Islamabad waliopinga ukandamizaji wa uhuru katika kupata habari.

Kwa kutangaza hali ya hatari nchini Pakistan, rais Pervez Musharaf amesimamisha utekelezwaji wa katiba na kuwaondoa majaji wa mahakama kuu.

Jenerali Musharaf anatarajiwa hii leo kufanya mkutano wa kwanza na waandishi wa habari tangu alipotangaza hali ya hatari, ambapo huenda akazungumzia hatima ya katiba ya Pakistan, kuzuiliwa waandishi wa habari kufanya kazi na kutangaza tarehe ya uchaguzi wa bunge.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com