1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Iraq yaadhimisha mwaka mmoja leo huku hofu ikizidi kutanda nchini humo

Serikali ya Iraq imeadhimisha mwaka wake wa kwanza hii leo katika hali ya hofu kubwa huku waziri mkuu Nuri Al Maliki akitaka akabidhiwe makamu wa rais wa madhehebu ya Kisunni ili ajibu mashtaka ya ugaidi.

Waziri mkuu wa Iraq Nouri al-Maliki akiwa mjini Washington

Waziri mkuu wa Iraq Nouri al-Maliki akiwa mjini Washington

Serikali ya Marekani imeomba kuwepo utulivu, lakini waziri mkuu Nuri Al Maliki ametishia kuwapiga kalamu mawaziri wote wanaoungwa mkono na kundi la Kisunni la Iraqiya, ikiwa hawatasitisha mgomo wao wa kuhudhuria vikao vya baraza la mawaziri, huku naye makamu wa rais Tareq al Hashemi, ambaye kwa sasa amejificha katika eneo lililojitenga la Kikurdi akikanusha madai kuwa analiongoza genge lililosababisha mauaji.

Wabunge pia wanatarajiwa kutathmini wito wa Maliki wa kumpiga kalamu naibu waziri mkuu Saleh al Mutlak wa madhehebu ya Wasunni, ambaye amelalamikia uongozi wa serikali ya Kishia ya umoja wa kitaifa na kuitaja kuwa ya udikteta.

Haya yote yanajiri siku chache tu baada ya wanajeshi wa Marekani kukamilisha mpango wao wa kuondoka kabisa nchini humo na kuwacha nyuma kile rais Barrack Obama alikitaja kuwa “Iraq iliyo huru, imara na yenye kujitegemea”.

Makamú wa rais wa Iraq Tariq al-Hashemi anayekabiliwa na madai ya ugaidi

Makamú wa rais wa Iraq Tariq al-Hashemi anayekabiliwa na madai ya ugaidi

Hashemi alikanusha mashtaka yote dhidi yake na kuapa kupambana mahakamani. Maafisa walitoa waranti wa kukamatwa Hashemi siku ya jumatatu, baada ya kumpiga marufuku  kusafiri katika mataifa ya kigeni.

Matamshi ya Maliki yalijiri baada ya yeye kufanya mazungumzo ya simu na makamu wa rais wa Marekani Joe Biden, ambaye alimwomba kushirikiana na vyama vingine ili kutatua mzozo huo unaozidi kutokota na ambao unatishia hali tete ya kisiasa nchini Iraq. Maliki pia alikataa miito ya Hashemi ya wawakilishi wa jumuiya ya Kiarabu kuchunguza upelelezi wote pamoja na maswali yoyote, akiwaambia wanahabari kuwa walimpa dikteta wa Iraq Saddam Hussein hukumu ya haki na watahakikisha kuwa hukumu ya haki pia itatolewa kwa Hashemi.

Kwa upande mwengine Wabunge wanatarajiwa kuamua kuhusu ombi la Maliki la kutimuliwa ofisini Mutlak Januari 3.

Mwandishi: Bruce Amani/AFP

Mhariri: Abdul-Rahman Mohammed

  • Tarehe 21.12.2011
  • Maneno muhimu Iraq
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/13XFb
  • Tarehe 21.12.2011
  • Maneno muhimu Iraq
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/13XFb

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com