1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Hosni Mubarak leo kupandishwa kizimbani

Rais wa zamani wa Misri Hosni Mubarak leo anatarajiwa kufikishwa mahakamani takriban miezi sita toka alipolazimishwa na vuguvugu la umma kuondoka madarakani.

default

Hosni Mubarak

Mubarak mwenye umri wa miaka 83 anakabiliwa na mashtaka ya kuhusika na mauaji ya waandamanaji wakati wa vuguvugu hilo la umma, mjini Cairo.Pia Mubarak ambaye alikuwa madarakani kwa kipindi cha takriban miaka 30, anakabiliwa na mashtaka ya rushwa na kutumia vibaya madaraka yake.

Mapema shirika la kimataifa la kutetea haki za binaadamu Amnesty International lilitoa wito wa kufikishwa mahakamani kwa Bwana Mubarak.

Shirika hilo lilisema kuwa kuanza kusikilizwa kwa kesi hiyo ni tukio la kihistoria nchini Misri kwani linatoa nafasi kwa kiongozi huyo pamoja na utawala wake kuwajibika kwa uhalifu waliyoufanya.

Bwana Mubark amekuwa katika kizuizi cha hospitali kwenye mji wa mapumziko wa Sharm el-Sheikh.Utawala wa Misri umesema kuwa atasafirishwa kwenda kukabiliana na mashtaka yake.Pia na wanawe wawili Alaa na Gamal halikadhalika Waziri wa zamani wa Ulinzi Habib al-Adli nao watapanda kizimbani

  • Tarehe 03.08.2011
  • Mwandishi Aboubakary Jumaa Liongo
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/129qy
  • Tarehe 03.08.2011
  • Mwandishi Aboubakary Jumaa Liongo
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/129qy

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com