1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Heilingendam. Waandamanaji wapungua.

Waandamanaji walioko katika mkutano wa mataifa yenye utajiri mkubwa wa viwanda G8 wameanza kupunguza jazba. Kiasi cha waandamanaji 1,000 wamejikusanya kwa amani katika maeneo mawili karibu na uzio wa waya wenye urefu wa kilometa 12 ambao unazunguka eneo la mkutano huo.

Jana Jumatano, polisi walitumia mabomba ya maji kuwatawanya mamia ya waandamanaji ambao , kwa karibu siku nzima , walizifunga barabara kadha zinazoelekea katika eneo la mkutano huo.

Kiasi cha waandamanaji 10,000 walijikusanya nje ya eneo hilo la mkutano na kiasi wengine 140 walikamatwa.

Wakati huo huo katika kuadhimisha siku ya mkutano mkuu wa kanisa la kiinjili duniani mjini Kolon, wawakilishi wa dini nane duniani zilizoalikwa kuhudhuria mkutano huo wametoa wito kwa mkutano wa mataifa yenye viwanda duniani G8 kupambana na umasikini duniani.

Mwenyekiti wa baraza la ushauri la kanisa hilo Wolfgang Huber , amesisitiza upigaji marufuku biashara ya silaha pamoja na shughuli za kijeshi za mataifa hayo ya G8.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com