1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

HARARE: Maaskofu wamtaka Mugabe ang´atuke

Maaskofu wa kanisa katoliki nchini Zimbabwe wamemtaka rais Robert Mugabe amalize ukandamazaji na aondoke madarakani kwa njia ya kidemokrais la sivyo akabiliwe na mapinduzi makubwa.

Baraza la maaskofu nchini humo limesema katika ujumbe wake uliotumwa katika makanisa yote nchini humo kwamba machafuko yamefikia mahala pabaya.

Maaskofu tisa wa kikatoliki wamesema huku Wazimbabwe wakiendelea kuishinikiza serikali kupitia migomo na maandamano serikali inazidi kuwakandamiza kwa kuwakamata, kuwazuilia, kupiga marufuku mikutano ya hadhara, mateso na kuwapiga.

Maelfu ya Wazimbabwe waliokusanyika katika kanisa la mjini Harare kwa misa ya Jumapili, walisukumana kusoma taarifa hiyo iliyobandikwa mahali pa matangazo.

Wazimbabwe wengi akiwemo rais Mugabe ni waumini wa dini ya katoliki.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com