1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

HAMBURG: Uchunguzi wa miale ya nyuklia kaskazini ya Ujerumani

Polisi nchini Ujerumani wamekuta dalili za miale ya nyuklia katika nyumba mbili mjini Hamburg.Nyumba hizo zinahusika na mtu aliewasiliana na Alexander Litvinenko,jasusi wa zamani wa Kirussi aliefariki mwezi uliopita kwa sumu ya miale ya nyuklia.Jana usiku polisi walikuta dalili za miale ya nyuklia katika fleti ya mfanyabiashara wa Kirussi Dmitry Kovtun aliekutana na Litvinenko mjini London,kabla ya jasusi huyo wa zamani kufariki hospitali.Siku ya Jumamosi,polisi waliarifu kuwa wamegundua ishara za miale katika nyumba nyingine nje ya mji wa bandari wa Hamburg.Kovtun ni mmoja kati ya Warussi wawili waliokutana na Litvinenko mjini London tarehe mosi Novemba.Ripoti zinasema yeye pia yupo hospitali mjini Moscow akipokea matibabu,baada ya sumu ya miale ya nyuklia kukutikana mwilini mwake.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com