1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

GENEVA : Mazungumzo ya amani ya Sri Lanka yavunjika

Mazungumzo ya siku mbili ya amani ya Sri Lanka yamesambaratika mjini Geneva baada ya pande mbili zinazohasimiana kushindwa kukubaliana juu ya tarehe ya kuanza upya kwa mchakato huo.

Msuluhishi mkuu wa Norway Erik Solheim amewaambia waandishi wa habari kwamba wawakilishi wa serikali ya Sri Lanka na waasi wa kundi la Tamil Tiger wameshindwa kukubaliana juu ya jinsi ya kushughulikia masuala muhimu ya kibinaadamu.Pande zote mbili hazikuahidi kudumisha makubaliano ya amani yanayodhoofika waliyofikia mwaka 2002 juu ya kwamba yamekuwa yakikiukwa sana katika miezi ya hivi karibuni.

Suala kuu kwaTamil Tiger lilikuwa ni kushughulikia mahitaji ya kibinaadamu ya Watamil walioathirika kutokana na mapigano ya hivi karibuni na kufunguliwa tena kwa barabara kuu pekee yenye kuingia kwenye rasi ya kaskazini ya Jaffna.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com