1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

GAZA: Wapalestina 5 wameuawa Ukanda wa Gaza

Hadi Wapalestina 5 wameuawa katika mashambulizi mapya ya vikosi vya angani vya Israel. Mashambulizi hayo yalilenga vituo vya wanamgambo wa Hamas katika Ukanda wa Gaza.Mapema leo hii makombora ya Israel yalipiga pia nyumba ya mlinzi si mbali na nyumba ya Waziri Mkuu wa Wapalestina Ismail Haniyeh.Na katika mashambulizi yaliofanywa wakati wa usiku,wanajeshi wa Kiisraeli walivamia Ukingo wa Magharibi wa Mto Jordan,na kumkamata waziri mwengine wa Hamas katika serikali ya Wapalestina.Waziri wa nchi,Wafsi Qabha, alichukuliwa kutoka nyumbani kwake.Kwa upande mwingine,wanamgambo wa Kipalestina wameipa Israel muda wa saa 48 kukubali kusitisha mapigano katika Ukanda wa Gaza.Tangu siku kumi zilizopita,zaidi ya Wapalestina 40 wameuawa katika mashambulizi ya Israel.Vile vile mwanamke wa Kiisraeli ameuawa kwa kombora lililorushwa na wanamgambo wa Kipalestina.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com