1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

GAZA: Rais Abbas ataka mashambulio dhidi ya Israel yakomeshwe

Rais wa mamlaka ya Palestina Mahmoud Abbas leo amewatolea mwito maafisa wake wa usalama wahakikishe mashambulio ya maroketi dhidi ya Israel yanazuiliwa.

Akizungumza katika sherehe za kufuzu kwa walinzi wake, rais Abbas amenukuliwa akisema kwamba ni muhimu kwa pande zote husika kuongeza juhudi, hususan walinzi wa rais na vikosi vya usalama, kudumisha usalama ndani ya mamlaka ya Palestina.

Aidha rais Abbas amesema ipo haja ya kukoma kuvuruga usalama na kuzuia mashambulio ya maroketi dhidi ya Israel yanayovurumishwa kutoka Ukanda wa Gaza.

Sambambana ripoti hizo, waziri wa habari wa Palestina, Mustafa Barghouti, amesema wapatanishi wa Misri wanaofanya juhudi za kuachiliwa huru mwanajeshi wa Israel anayezuiliwa na kundi la wanamgambo wa kipalestina, wamewasilisha orodha ya masharti ya kundi hilo kwa serikali yas Israel.

Waziri Mustafa amesema watekaji nyara hao wanataka Israel iwaachilie huru wafungwa iliyowataja katika orodha yao kabla koplo Gilad Shalit, kuachiliwa huru.

Hata hivyo waziri huyo hakusema ni wafungwa wangapi walio katika orodha hiyo wala kutoa taarifa zaidi.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com