1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

GAZA: Israel yafanya mashambulio zaidi dhidi ya wanamgambo wa Hamas

Israel imefanya mashambulio zaidi ya angani dhidi ya wanamgambo wa chama cha Hamas katika Ukanda wa Gaza mapema leo. Wapalestina wasiopungua saba wamejeruhiwa kwenye mashambulio hayo.

Jeshi la Israel limesema ndege zake, zikiwa katika wiki ya pili ya kampeni ya mashambulio ya mabomu katika Ukanda wa Gaza, ziliyalenga majengo mawili yanayotumiwa na wanamagambo kutengeneza na kuhifadhi silaha.

Wapalestina wamekanusha madai hayo wakisema nyumba hizo hazikuwa zikitumiwa kuhifadhia silaha.

Habari zaidi zinasema wanajeshi wa Israel walifanya msako wa nyumba kwa nyumba katika eneo la kusini mwa Ukanda wa Gaza lililo karibu na mpaka na Misri. Wapalestina saba wamezuiliwa na kuhojiwa kwa muda kabla kuachiliwa.

Wanajeshi wa Israel wameonya watarudi tena katika eneo hilo na kuyaharibu makazi yote ikiwa maroketi yatavurumishwa kutoka eneo hilo kuelekea Israel.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com