1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Afrika

Danny Jordaan akana madai ya kumbaka mwimbaji Jennifer

Rais wa zamani wa shirikisho la kandanda nchini Afrika kusini, Danny Jordaan, amekana madai kwamba alimbaka mwimbaji  Jennifer Ferguson.

Rais wa zamani wa shirikisho la kandanda nchini Afrika kusini, Danny Jordaan, amekana madai kwamba alimbaka mwimbaji  Jennifer Ferguson, ambaye alidai mwezi uliopita kwamba alibakwa na kiongozi huyo katika hoteli moja mjini Port Elizabeth baada ya  kufanya tamasha la muziki mwaka 1993.

Ferguson, ambaye ni mbunge wa zamani wa chama tawala cha African National Congress ANC, amesema amehamasishwa na  hashtag "Me Too", ikiwa na maana Hata Mimi, katika kampeni ya mitandao ya kijamii ambayo ilianza baada ya wanawake kadhaa  kudai kwamba walibakwa na mtayarishaji filamu maarufu katika Hollywood Harvey Weistein.

Kubakwa kwa wanawake na watoto ni jambo linalotokea sana nchini Afrika kusini, wakati Umoja wa Mataifa unasema wanawake na  wasichana wanabakwa kila sekunde 26.