1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

DAMASCUS: Syria yapendekeza kuisaidia serikali ya Irak

Waziri wa mambo ya kigeni wa Syria, Walid al-Moualem, ametangaza utayarifu wa nchi yake kusisaidia serikali ya Irak. Ameyatamka hayo katika ziara yake mjini Baghdad.

Akiulizwa ikiwa ziara yake hiyo imefuatia mwito uliotolewa na waziri mkuu wa Uingereza, Tony Blair, Syria kuisaidia Irak, al-Moaulem amesema hakuenda nchini Irak kuyafurahisha mataifa ya kigeni yenye nguvu. Ameongeza kusema majeshi ya Marekani yangepaswa kuondoka kutoka Irak na kwamba hatua hiyo itapunguza mashambulizi ya waasi wa kiiraki.

Hiyo ilikuwa ndio ziara rasmi ya kwanza wa afisa wa serikali ya Syria nchini Irak tokea nchi hizo zisimamishe uhusiano wa kidiplomasia mwaka 1982.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com