1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

DAMASCUS: Ban Ki Moon aitembelea Syria

Katibu mkuu wa Umoja wa Mataifa; Ban Ki Moon, yumo mjini Damascus nchini Syria kwa mazungumzo na rais nchi hiyo, Bashar al Assad. Mazungumzo hayo yatatuwama juu ya juhudi za amani nchini Lebanon na eneo zima la Mashariki ya Kati.

Mazungumzo hayo pia yanatarajiwa kugusia mpango wa kuunda mahakama maalumu ya kimataifa itakayowahoji washukiwa wa mauaji ya waziri mkuu wa zamani wa Lebanon, Rafik Hariri, na kuingizwa kwa silaha nchini Lebanon kutoka Syria kwa njia isiyo halali.

Syria imeshutumiwa kwa kuhusika na mauji ya Hariri, dai ambalo serikali ya Damascus imekuwa ikilipinga.

Katibu mkuu Ban Ki Moon ameandamana na mjumbe wa Mashariki ya Kati, Terje Roed-Larsen, na maafisa wengine wa ngazi za juu kwa ziara ya siku moja ambayo ni ya kwanza tangu alipochukua madaraka kama katibu mkuu wa Umoja wa Mataifa.

Sambamba na taarifa hiyo, watu wasiopungua 15 wameuwawa na wengine kadhaa kujerihiwa wakati lori lililokuwa likisafiri kwa kasi lilipoyagonga magari 18 kwenye barabara ya kutoka Damascus kwenda Baghdad nchini Irak.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com