1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Chavez awataka wananchi wake kuunga mkono mabadiliko ya katiba

CARACAS.Rais Hugo Chavez wa Venezuela jana aliwataka wanaomuunga mkono kuyapigia kura mabadiliko ya katiba ambayo yatamuweka katika nafasi ya kuongoza maisha.

Kura juu ya mabadiliko hayo inatarajiwa kupigwa kesho ambapo Rais Chavez ametishia kuzuia usafirishaji wa mafuta nchini Marekani iwapo nchi hiyo itaingilia kati zoezi hilo la kesho.

Akiwahutubia zaidi ya wandamanaji laki mbili, Rais Chavez ambaye amekaa madarakani kwa miaka minane, alionya kuwa mahasimu wake wa ndani wanajaribu kuhujumu upigaji kura wa kesho kwa msaada kutoka Marekani.

Mjini Havana, Rais Fidel Castro wa Cuba ambaye ni swahiba mkubwa wa Chavez ameonya kuwa Marekani ina mipango ya kutaka kumuua Rais huyo wa Venezuela.

Castro katika tahariri yake kwenye gazeti la kikoministi la nchi hiyo amesema kuwa iwapo Marekani itatekeleza mpango huo, uchumi wa dunia utayumba.

Amesema kuwa alimuonya kiongozi huyo wa Venezuela juu ya njama za Marekani kutaka kumuua na kuchukua tahadhari ya kusafiri akiwa katika gari la wazi.

  • Tarehe 01.12.2007
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/CVPM
  • Tarehe 01.12.2007
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/CVPM

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com