1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Chama tawala nchini Nigeria chapoteza wingi wa wabunge

Chama cha rais Goodluck Jonathan kimepata upinzani mkali katika uchaguzi uliofanyika jana Nigeria. Kulitokea matatizo ya hapa na pale lakini waangalizi wameridhika.

default

Rais wa Nigeria, Goodluck Jonathan

Matokeo ya awali ya uchaguzi wa bunge nchini Nigeria yasiyo rasmi yanaonesha chama tawala cha "Peoples Democratic Party" PDP, kimepoteza udhibiti wa bunge. Chama hicho cha rais wa nchi hiyo, Goodluck Jonathan, kinatarajiwa kupoteza wingi wa wabunge, kufuatia shinikizo kubwa kutoka kwa chama cha upinzani cha Action Congress of Nigeria, ACN, kusini magharibi mwa nchi. Chama cha PDP vile vile kimepata upinzani mkali kutoka kwa chama cha Congress for Progressive Change, CPC, katika baadhi ya maeneo ya kaskazini.

Magazeti kadhaa yemeripoti kuwa spika wa Bunge, Dimeji Bankole na binti wa rais wa zamani wa nchi hiyo Olusegun Obasanjo wanaelekea kupoteza viti vyao vya ubunge.

Kuna taarifa za masunduku ya kura kuibwa na kutokea mapigano kati ya wafuasi wa vyama vinavyohasimiana katika baadhi ya sehemu za jimbo la Niger Delta. Hata hivyo waangalizi wa uchaguzi huo wanasema kulikuwa na maendeleo makubwa ikilinganishwa na chaguzi zilizopita. Uchaguzi wa rais umepangwa kufanyika Jumamosi ijayo, na utafuatiwa na uchaguzi wa magavana Aprili 26.

  • Tarehe 10.04.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/10r0Y
  • Tarehe 10.04.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/10r0Y

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com