1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Timu Yetu

Chama cha MDC chasusia kushiriki maamuzi ya serikali Zimbabwe.

Marekani imeitaka jumuiya ya kimataifa kuendelea kumshinikiza rais Robert Mugabe kutekeleza makubaliano ya kugawana madaraka.

default

Waziri mkuu wa Zimbabwe Morgan Tsvangirai, kiongozi wa chama cha upinzani cha MDC.

WASHINGTON:

Marekani imeitaka Jumuia ya Kimataifa kuendelea kumshinikiza Rais Robert Mugabe wa Zimbabwe kutekeleza makubaliano ya kugawana madaraka, wakati chama kinachoshiriki kuunda serikali ya nchi hiyo cha Movement for Democratic Change MDC, kikisusia shughuli za Baraza la mawaziri.

Akizungumza mara baada ya Waziri Mkuu wa Zimbabwe, Morgan Tsvangirai kutangaza kusimamisha ushirikiano na Rais Mugabe, Msemaji wa Wizara ya Mambo ya Nchi za Nje wa Marekani Ian Kelly amesema wanaelewa jinsi upinzani ulivyovunjika moyo kutokana na kukosekana maendeleo ya utekelezaji makubaliano hayo.

Bwana Tsvangirai amesema wanajitoa kutoka kwa mshirika ambaye amedai kuwa si muaminifu na si wa kutegemewa.

Kauli hiyo ya Bwana Tsvangirai imekuja siku moja tu baada ya mmoja wa wanachama waandamizi wa chama cha MDC, Roy Bennet, kuwekwa kizuizini baada ya dhamana yake juu ya mashtaka yanayomkabili ya ugaidi kufutwa.

Hata hivyo Bwana Bennet ameachiliwa huru jana kwa dhamana.

  • Tarehe 17.10.2009
  • Mwandishi Sekione Kitojo
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/K8r1
  • Tarehe 17.10.2009
  • Mwandishi Sekione Kitojo
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/K8r1

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com