1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Timu Yetu

CDU chashinda uchaguzi wa bunge wa jimbo la Hesse

Uchaguzi huo unatoa sura ya jinsi uchaguzi mkuu wa septemba utakavyokuwa nchini Ujerumani

default

''Kiongozi wa CDU-Hesse-Roland Koch baada ya kutangazwa matokeo ya uchaguzi''

Chama cha Kansela Angela Merkel nchini Ujerumani cha Christian Democratic CDU kimepata ushindi katika uchaguzi wa jimbo la Hesse.

Katika uchaguzi huo muhimu chama hicho kimejishindia asilimia 37 ya kura takriban zote Baada ya ushindi huo waziri mkuu wa jimbo hilo Roland Koch anayeongoza chama hicho kwenye jimbo la Hesse amesema kwamba anamatumaini ya kufikia makubaliano ya kuunda serikali ya muungano na washirika wao wa chama cha FDP.

Matokeo hayo ya uchaguzi uliofanyika jana yameonyesha kwamba wahafidhina wamefanya vizuri zaidi kuliko ilivyokuwa katika uchaguzi wa mwaka jana huku chama cha Social Demokratic SPD kikishuka umaarufu ambapo kilipata asilimia 24.

Chama hicho kimeshuka kwa pointi asilimia 13 ikilinganishwa na mwaka jana Miongoni mwa vyama vidogo chama cha fdp kimejizolea asilimia 16 ya kura huku chama cha kijani the Greens wakiwa na asilimia 14 na mrengo wa shoto wakizoa asilimia 5.

Uchaguzi huo wa bunge uliotakiwa kufanyika miaka mitatu ijayo uliiitishwa mapema kufuatia mvutano wa kisiasa uliosababishwa na uchaguzi uliopita ambapo vyama vyote vikuu vilishindwa kupata wingi bungeni wa kuunda serikali.

  • Tarehe 19.01.2009
  • Mwandishi Saumu Mwasimba
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/Gb7d
  • Tarehe 19.01.2009
  • Mwandishi Saumu Mwasimba
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/Gb7d

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com