1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Caracas. Kituo cha TV kufungwa.

Polisi nchini Venezuela wamevunja maandamano ya upande wa upinzani baada ya mamia ya watu kuingia mitaani wakimshutumu rais Hugo Chavez kwa kufunga kituo kimoja cha Televisheni.

Polisi wa kutuliza ghasia walitumia mabomba ya maji na mabomu ya kutoa machozi kuwatawanya wapinzani dhidi ya kufungwa kwa kituo hicho cha Televisheni cha RCTV, kituo ambacho televisheni yake inaangaliwa na watu wengi zaidi nchini humo.

Kituo hicho kinachomilikiwa na mtu binafsi kilikuwa kinatarajiwa kusitisha matangazo yake wakati wa usiku jana Jumapili katika hatua ambayo rais Chavez amesema ni kuingiza udemokrasi katika utangazaji. Wakosoaji wamesema kuwa rais huyo anajaribu kukandamiza mawazo ya watu wanaoipinga serikali.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com