1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BUJUMBURA: Waandishi watatu waachiliwa huru

Waandishi watatu wa habari nchini Burundi waliokuwa wakizuiliwa kwa tuhuma za kuhatarisha usalama wa taifa baada ya kuripoti kuhusu njama ya kuipindua serikali, wameachiliwa huru.

Mahakama ya mjini Bujumbura imesema hakuna ushahidi kwamba waandishi hao wa redio za kibinafsi walitangaza habari za kutishia usalama wa taifa. Muongozaji mashtaka wa serikali alitaka wahukumiwe kifungo cha miaka mitatu gerezani.

Matthias Manirakiza, kiongozi wa redio ya Isanganiro alitiwa mbaroni mnamo tarehe 29 Novemba mwaka jana kwa kuidhinisha kutangazwa kwa habari ambazo zingeweza kuhatarisha usalama wa taifa na umma.

Wakili wake, Raphael Gahungu, aliwaambia waandishi wa habari baada ya uamuzi huo wa mahakama kwamba kumekuwa na uvunjaji mkubwa wa sheria na washukiwa walinyimwa haki yao ya kuwa huru.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com