1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BUENOS AIRES: Rais wa zamani kukamatwa

Mahakama moja nchini Argentina imeamuru rais wa zamani wa nchi hiyo, Isabel Peron, atiwe mbaroni kwa kupotea kwa mwanaharakati wa mrengo wa kushoto katika miaka ya 1970.

Kiongozi huyo wa zamani anatafutwa pia kwa kusainiwa kwa sheria zinazomhusisha na makundi ya mauaji. Watetezi wa haki za binadamu wanasema makundi hayo yaliwaua wapinzani takriban 1,500 wa serikali kati ya mwaka wa 1973 na 1976.

Isabel Peron alichukua madaraka kufuatia kifo cha mumewe, Juan Domingo Peron, aliyeitawala Argentina kwa awamu tatu.

Jaji wa mahakama kuu ametoa waranti wa kukamatwa kwa Isabel kupitia shirika la polisi la kimataifa, Interpol, katika juhudi ya kumkamata Peron nchini Hispania ambako anaishi hivi sasa.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com