1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BRUSSELS: Umoja wa Ulaya wazindua mapendekezo ya sera ya nishati.

Umoja wa Ulaya umezindua mapendekezo ambayo endapo yataidhinishwa yatausaidia Umoja huo kuandaa sera ya pamoja ya Ulaya ya nishati.
Mapendekezo hayo yanajumuisha kuongeza njia za kupata nishati na pia kupunguza gesi za viwandani kwa asilimia 20 kufikia mwaka 2020.

Rais wa tume ya Ulaya, Jose Manuel Barroso, aliwaambia waandishi wa habari mjini Brussels kwamba taratibu hizo zitausaidia Umoja wa Ulaya kuongoza katika harakati za kukabiliana na ongezeko la joto duniani.

Mapendekezo hayo yametangazwa siku chache baada ya Russia kukatiza mafuta yake yanayosambazwa katika mataifa kadha ya Ulaya, hatua ambayo imezua tena hali ya wasiwasi kuhusu uwezo wa mataifa ya Ulaya kujimudu kwa nishati.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com