1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BRUSSELS : Steinmeir athibitisha kupotea kwa Wajerumani 2

Waziri wa mambo ya nje wa Ujerumani Frank Walter Steinmeir amethibitisha mjini Brussels kwamba Wajerumani wawili wamekuwa hawajulikani walipo kwa wiki moja sasa lakini haijulikani iwapo wametekwa nyara.

Steinmeir alithibitisha hayo kabla ya kukutana na mawaziri wenzake wa mambo ya nje wa Umoja wa Ulaya wanaokutana mjini Brussels kwa mkutano wao wa kila mwezi.

Steinmeir pia amesema kwamba serikali inafanya kila iwezalo kuhakikisha kuachiliwa kwa Wajerumani hao na kurudi nyumbani salama.

Mwaka jana Wajerumani wawili Rene Bräunlich na Thomas Nitzschke walitekwa nchini Iraq na kuachiliwa bila ya kudhuriwa miezi mitatu baadae.

Miezi kadhaa kabla mtaalamu wa machimbo ya kale Susanne Osthof alishikiliwa mateka kwa wiki kadhaa.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com