Bolt akaribia kutimiza ndoto yake | Michezo | DW | 08.01.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Michezo

Bolt akaribia kutimiza ndoto yake

Mwanariadha nguli wa mbio fupi Usain Bolt amesema kuwa anatumai bado ataitimitza ndoto yake ya kuwa mchezaji kandanda wa kulipwa wakati atakapofanyiwa majaribio katika klabu ya Borussia Dortmund

Hata hivyo, bingwa huyo wa Olimpiki na dunia alikiri kuwa anapendelea kuichezea timu anayoipenda zaidi ya Manchester United.

Bolt mwenye umri wa miaka 31 ameliambia gazeti la Sunday Express kuwa atafanya majaribio mwezi Machi katika klabu ya BVB kabla ya kuamua kama ataweza kucheza kandanda. Mjamaica huyo anasema kama watasema yuko sawa, na kwamba anahitaji kufanya mazoezi, atafanya hivyo. Lakini kwa sasa ana hofu kwa sababu kandanda ni kitu tofauti na riadha na itabidi achukua muda ili kuzoea.

Mwandishi: Bruce Amani/AFP/DPA/AP/Reuters
Mhariri: Mohammed Abdul-Rahman