1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Berlin.Wanajeshi wa Ujerumani kuendelea na mpango wa "kudumisha uhuru" kwa mwaka mmoja zaidi.

Rais Vladamir Putin wa Urusi

Rais Vladamir Putin wa Urusi

Bunge la Ujerumani limepiga kura kuviruhusu vikosi vya jeshi la Ujerumani kushiriki kwa mwaka mmoja zaidi katika operesheni inayoongozwa na Marekani dhidi ya ugaidi ijulikanayo kwa jina la kudumisha uhuru.

Muda huo hata hivyo unazungumzia juu ya kupunguzwa idadi jumla ya wanajeshi kutoka 2,008 na kusalia 1,800.

Hivi sasa Ujerumani ina wanajeshi 330 wanaopiga doria katika fukwe za Somalia na Yemen na wanajeshi 100 wa kikosi maalum kinachopambana na ugaidi nchini Afghanistan.

Mtaalamu wa siasa za nje wa chama cha SPD Hans-Ulrich Klose anasema.

“Hakuna asiyekuwa na shaka linapohusika suali la uamuzi wa kijeshi, hata mimi nina shaka shaka, lakini ninaamini kuzuia shughuli za kuendeleza amani kwa wakati huu tulionao usingekuwa uamuzi wa busara“.

Vyama ndugu vya kihafidhina na washirika wao wa chama cha SPD katika serikali inayoongozwa na Kansela Angela Merkel, wakisaidiwa na chama cha upinzani cha Waliberali FDP wameidhinisha mpango huo kwa sauti 436 dhidi ya 101, huku chama cha walinzi wa mazingira na chama cha mrengo wa shoto wakijaribu kuzuia kwa hoja kuwa mpango huo unakwenda kinyume na makubaliano ya Geneva.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com