1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BERLIN:Ujerumani yamtaka Gadaffi kufafanua juu ya madai ya mwanaye

Ujerumani imemtaka kiongozi wa Libya Kanali Mohammar Gadaffi kutoa ufafanuzi kufuatia kauli iliyotolewa na mtoto wake ya kwamba wauguzi sita wa Bulgaria waliteswa walipokuwa katika jela za nchi hiyo.

Mtoto huyo wa Gadaffi, aitwaye Saif al Islam ambaye alisadia katika muafaka wa kuachiwa kwa wauguzi hao mwezi uliyopita alikiri katika mahojiano na kituo cha televisheni cha Al-Jazeera ya kwamba wauguzi hao pamoja na daktari mmoja wa kipalestina waliteswa wakati wa mahojiano.

Naibu Waziri wa Mambo ya Nje wa Ujerumani Gernot Erler akinukuliwa na gazeti la Tagesspiegel la hapa Ujerumani alisema kuwa serikali ya Libya na Kanali Gadaffi wathibitishe kama kauli hiyo ya mtoto wake ni kweli au la.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com