1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BERLIN:Marufuku ya uvutaji sigara yaanza

Upigaji marufuku uvutaji wa sigara unaanza kutumika leo hii katika mikoa mitatu kati ya 16 nchini Ujerumani.

Marufuku hiyo inatumika katika hospitali,shule na majengo ya serikali katika mkoa wa Baden-Württermberg,Lower Saxony na Mecklenburg-West Pomerania.

Uvutaji sigara pia umepigwa marufuku katika mikahawa na vilabu vya pombe katika mikoa miwili ya Baden-Württenberg na Lower Saxony venginevyo kunakuwepo na chumba maalum cha kuvutia sigara.

Hatua hiyo ya mikoa mitatu inakuja mwezi mmoja kabla ya marufuku ya taifa kwa uvutaji sigara kwenye majengo ya serikali,usafiri wa umma na taxi kuanza kufanya kazi.

Ujerumani imekuwa ikijadili upigaji marufuku uvutaji wa sigara kwa miaka kadhaa lakini hatua zake hizo hazilingani sana na kupigwa marufuku moja kwa moja kwa uvutaji sigara kulikoamuriwa na nchi nyingi jirani za Umoja wa Ulaya.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com