1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Berlin. Waziri ataka wanaoshukiwa kufanya fujo wawekwe kizuizini.

Waziri wa mambo ya ndani wa Ujerumani Wolfgang Schäuble anafikiria kutumia hatua ya kuwaweka kizuizini watu wanaoonekana kuwa wanataka kufanya ghasia kabla ya mkutano wa mwezi ujao wa mataifa tajiri duniani G8 mjini Heiligendamm nchini Ujerumani.

Katika mahojiano kadha , Shäuble amesema kuwa watu wanaweza kuwekwa kizuizini hadi kwa wiki mbili iwapo kuna ushahidi mkubwa kuwa wanapanga kufanya ghasia katika mkutano huo.

Serikali inatarajia kiasi cha waandamanaji 100,000 kujikusanya katika mahali pa mkutano katika pwani ya bahari ya Baltic kwa ajili ya mkutano huo utakaoanza Juni 6-8.

Siku ya Jumatano , zaidi ya watu 5,000 waliandamana katika miji kadha ya Ujerumani dhidi ya msako uliofanywa na polisi ambao ulilenga maeneo 40 yanayotuhumiwa kuwa yanahusika na wanaharakati wa mrengo wa shoto.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com