1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BERLIN : Steinmeir kutowa ushahidi

Waziri wa mambo ya nje wa Ujerumani Frank Walter Steinmeir anatazamiwa kufika mbele ya kamati ya bunge yenye kuchunguza ushirikiano kati ya serikali ya Ujerumani na Shirika la Ujasusi la Marekani CIA kwa kile Marekani inachokiita vita vya ugaidi.

Steinmeir ambaye alikuwa waziri wa nchi katika ofisi ya Kansela anatazamiwa kuieleza kamati hiyo ni wakati gani serikali ya Ujerumani ilijuwa juu ya kutekwa nyara kwa Khaled el Masri raia wa Ujerumani mwenye nasaba ya Lebanon.Gazeti la Ujerumani la Berliner Zeitung limeripoti kwamba Steinmeir alipata habari juu ya kutekwa nyara kwa el Masri na Shirika la Ujasusi la Marekani CIA mwezi wa Januari mwaka 2005 lakini hakuwaambia hayo maafisa wa kuendesha mashtaka ya uhalifu au kamati ya udhibiti bungeni.

El Masri alikamatwa nchini Macedonia mwishoni mwa 2003 na anasema alifungwa gerezani na CIA kwa miezi kadhaa nchini Afghanistan.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com