1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BERLIN: Steinmeir aonya kuhusu mzozo wa katiba ya Ulaya

Waziri wa mashauri ya kigeni wa Ujerumani, Frank Walter Steinmeier, ameonya kwamba mzozo kuhusu kuifufua katiba ya Umoja wa Ulaya huenda uukwamishe mkutano wa umoja huo utakaofanyika mjini Brussels Ubelgiji wiki hii.

Baada ya kikao maalumu cha mawaziri wa kigeni wa Umoja wa Ulaya mjini Luxembourg hapo jana, waziri Steinmeier alisema hakuna uhakika ikiwa mkutano wa mjini Brussels utafaulu.

Poland imetishia kutumia kura yake ya turufu kuitilia guu katiba ya Ulaya ikiwa mabadiliko hayatafanywa kwa mfumo wa kupiga kura uliopendekezwa kwenye katiba hiyo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com