1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BERLIN: Pande tatu kushirikiana katika maswala ya usalama

Umoja wa Ulaya, Marekani na Urusi zimekubaliana kushirikiana katika maswala ya usalama.

Waziri wa mambo ya ndani wa Ujerumani Wolfgang Schäuble amesema malengo kadhaa yameafikiwa katika mkutano na mawaziri wenzake kutoka Washington na Moscow uliofanyika mjini Berlin.

Malengo hayo ya kiusalama ni pamoja na kushirikiana katika kupambana dhidi ya usajili wa vijana katika makundi ya kigaidi na pia vita dhidi ya biashara ya madawa ya kulevya nchini Afghanistan.

Mawaziri hao wa mambo ya ndani pia wamekubaliana juu ya nia ya kuimarisha idara ya polisi ya kimataifa ya Interpol katika kupamabana na wizi wa stakabadhi za kusafiria.

Ujerumani imefadhili mkutano huo ikiwa ndio mwenyekiti wa nchi za umoja wa ulaya kwa sasa.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com