1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BERLIN: Merkel atarajiwa kuwasili Marekani leo

Kansela wa Ujerumani Bi Angela Merkel anatarajiwa kuwasili leo mjini Washington Marekani kukutana na rais wa nchi hiyo, George W Bush katika juhudi za kuboresha ushirikiano baina ya Marekani na Umoja wa Ulaya.

Wakati haya yakiarifiwa, kansela Merkel anatarajiwa pia kusafiri kwenda mashariki ya kati wiki ijayo ikiwa ni sehemu ya majukumu ya nchi yake kama kiongozi wa Umoja wa Ulaya kuupiga jeki mpango wa amani ya mashariki ya kati.

Bi Merkel atazitembelea Misri, Saudi Arabia, Umoja wa falme za kiarabu na Kuwait. Msemaji wake amesema ziara ya Merkel huenda ikaupa mwelekeo mpya mpango wa amani ya mashariki ya kati unaodhaminia na Umoja wa Ulaya, Urusi, Umoja wa Mataifa na Marekani.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com