1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Belgrade. Kosovo kutangaza uhuru.

Viongozi wa jimbo la Kosovo wenye asili ya Albania wametoa ishara kuwa wanafikiria kutoa tangazo la pamoja la uhuru kutoka Serbia. Waziri wa mambo ya kigeni wa jimbo hilo kwa sasa veton Surroi amesema kuwa umoja wa mataifa hautoi tena njia kwa ajili ya uhuru kwasababu ya vipingamizi vinavyowekwa na Russia kwa niaba ya mshirika wake Serbia.

Surroi amewaambia waandishi wa habari kuwa mpango A umeshindwa na kwamba muda umefika sasa kwa ajili ya mpango B.

Hali ya wasi wasi baina ya mataifa ya magharibi na Russia imekuwa ikiongezeka wiki hii kuhusiana na suala la Kosovo. Mataifa ya Ulaya na Marekani yanaunga mkono uhuru wa Kosovo wakati Russia inaunga mkono juhudi za Serbia kulibakiza jimbo hilo mikononi mwake.

Russia imesema wazi kuwa itatumia kura yake ya turufu dhidi ya azimio lolote la baraza la usalama la umoja wa mataifa kuhusu Kosovo ambalo halitatilia maanani kuhusu upinzani wa Serbia.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com