1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BEIRUT: Lebanon yakumbuka mauaji ya Hariri

Usalama umeimarishwa mjini Beirut huku umati mkubwa wa watu ukikumbuka miaka miwili ya mauaji ya waziri mkuu wa zamani wa Lebanon Rafik Hariri, aliyeuwawa kwenye shambulio la bomu.

Waandamanaji wanaoipinga Syria, na ambao wanaituhumu serikali ya mjini Damascus kwa kuhusika na mauaji ya Hariri, wanapanga kukusanyika kwenye kaburi lake katikati mwa Beirut.

Wakati huo huo, upinzani, wakiwemo wafuasi wa kundi la Hezbollah, wanapanga nao kufanya maandamano yenye lengo la kuiangusha serikali ya waziri mkuu Fouad Siniora.

Kumbukumbu ya leo inafanyika siku moja baada ya watu watatu kuuwawa na wengine 30 kujeruhiwa wakati mabasi mawili ya abiria yaliposhambuliwa kwa mabomu kaskazini mashariki mwa mji mkuu Beirut.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com