1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Beirut. Hizbolah waingia mitaani kuipinga serikali.

Maelfu ya Walebanon waliokuwa wakipepea bendera wamemiminika katika eneo la kati la Beirut kwa ajili ya maandamano yanayoongozwa na kundi la Hezboullah yenye lengo la kuiangusha serikali ya nchi hiyo inayoungwa mkono na mataifa ya magharibi.

Hezboullah inayoiunga mkono Syria pamoja na washirika wake wamewataka Walebanon nchini humo kushiriki katika maandamano , ambayo yatafuatiwa na tukio la kukaa karibu na ofisi za serikali. Hezboullah , ambayo inaungwa mkono na Syria na Iran , imeieleza serikali ya Lebanon kuwa ni kibaraka wa Marekani.

Waziri mkuu wa Lebanon Fouad Siniora ameapa kutoyumbishwa na maandamano hayo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com