1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BEIRUT: Hatimaye Wapalestina wakimbia mapigano

Maelfu ya wakimbizi wa Kipalelstina wameikimbia kambi yao baada ya siku tatu za mapigano kati ya majeshi ya nchi hiyo na wapiganaji wa kundi la Fatah al Islam kusitishwa.

Wakimbizi hao wameondoka katika kambi hiyo ya Nahr al Bared, iliyoko kaskazini mwa Lebanon ambako zaidi ya wapalestina elfu 30 wanaishi.

Magari ya misaada ya umoja wa mataifa yaliyokuwa yakijaribu kusambaza chakula, maji na madawa kwa watu waliyonaswa na mapigano hayo, yalilazimika kuondoka, baada ya kuzuka upya kwa mapigano.

Inakadiriwa kuwa kuna wapiganaji kiasi cha 200 wa kundi la Fatah al Islam waliyojichimbia katika kambi hiyo, ambao wamekuwa wakipambana na majeshi ya Lebanon toka siku ya Jumapili.

Takriban watu 81 wameuawa kutokana na mapigano hayo ambayo ni mabaya kabisa kuikumba Lebanon toka kumalizika kwa vita vya wenyewe kwa wenyewe mwaka 1990.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com