1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BEIJING.Rais wa China ziarani Afrika

China imesema kwamba itadhamini mazungumzo ya pande sita yanayolenga kutatua mzozo wa nyuklia wa Korea kaskazini.

Mazungumzo hayo yanatarajiwa kuanza tarehe 8 mwezi Februari.

Mazungumzo hayo yatazihusisha nchi za Korea kaskazini na Kusini, Marekani, China, Urusi na Japan na yanalenga kuishawishi Korea Kaskazini kuacha mpango wake wa nyuklia.

Lakini pamekuwepo na mafanikio madogo sana tangu mazungumzo hayo yalipoanza mwaka 2003.

Wakati huo huo kiongozi wa China Hu Jintao ameanza ziara yake katika nchi nane za Afrika.

Beijing inaazimia kujizatiti katika uhusiano wake wa kisiasa na kiuchumi na bara la Afrika.

Hii ni ziara ya tatu ya kiongozi wa China katika bara la Afrika tangu mwaka 2003.

Ziara ya siku 12 ya rais Hu Jintao itampeleka mpaka Sudan ambako anatarajiwa kuishinikiza Khartoum kutoa ushirikiano kwa Umoja wa mataifa katika juhudi za kumaliza ghasia katika jimbo la Darfur.

Kiongozi huyo wa China kwanza atazuru Cameroon katika ziara yake hiyo ya nchi nane za Afrika.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com