1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BEIJING: Msaada kwa Korea Kaskazini badala ya mradi wa nyuklia

Korea ya Kaskazini imeashiria huenda ikakubali kuachilia mbali mradi wake wa kutengeneza silaha za kinyuklia.Mjumbe wa serikali ya Pyongyang,Kim-Kye-Gwan amesema,uwezekano huo upo lakini hilo hutegemea thibitisho la Marekani.Hatua hiyo imetokea wakati ambapo kundi la nchi sita linajadiliana mjini Beijing,katika duru mpya ya mazungumzo kuhusu mradi wa nyuklia wa Korea ya Kaskazini.Mjumbe wa Marekani katika majadiliano hayo,Christopher Hill,hapo awali alisema kuwa anaamini Korea ya Kaskazini inaweza kushawishiwa kutekeleza makubaliano ya mwaka 2005 kuachilia mbali mradi wake wa kinuklia na badala ya kupewa msaada,manufaa katika sekta ya nishati na kuhakikishiwa usalama wake.Duru hii mpya ya majadiliano kati ya China,Japan,Marekani,Urussi, Korea ya Kaskazini na Korea ya Kusini inafanywa miezi minne baada ya Korea ya Kaskazini kufanya jaribio lake la kwanza la nyuklia.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com