1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BEIJING: Majadiliano kuhusu Korea ya Kaskazini yataendelea juma lijalo

Duru mpya ya majadiliano ya kundi la pande sita mjini Beijing,kuhusu mradi wa kinyuklia wa Korea ya Kaskazini imemalizika bila ya kupata makubaliano.Baada ya mazungumzo ya siku nne, mpatanishi wa Japan Kenichiro Sasae amesema, majadiliano hayo yataendelea wiki ijayo.Akaongezea kuwa madai makuu ya Korea ya Kaskazini yanachelewesha kufikia maafikiano. Kwa mujibu wa vyombo vya habari,Korea ya Kaskazini itasitisha mpango wake wa kinyuklia ikiwa tu kila mwaka itapatiwa tani milioni 2 za mafuta na vile vile kilowati milioni 2 za umeme. Mbali na Korea ya Kaskazini,Japan na China, majadiliano hayo mjini Beijing yanahudhuriwa pia na Urussi,Marekani na Korea ya Kusini.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com