1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Beijing. Costa Rica yaitupa mkono Taiwan.

Costa Rica imekatisha karibu miaka 60 ya uhusiano wake wa kibalozi na Taiwan na kuitambua China. Rais wa Costa Rica Oscar Arias amesema kuwa nchi yake ina haja ya kuvutia vitega uchumi kutoka China na haiwezi tena kupuuzia uzito wa uchumi wa China.

Mabadiliko hayo yanaiacha Taiwan , ambayo China inaitambua kama jimbo lake lililojitenga , kuwa imebaki na mahusiano ya kibalozi na nchi 24 nyingi zikiwa nchi ndogo ndogo, nusu yake zikiwa Latin America.

Waziri wa mambo ya kigeni wa Taiwan James Huang ameishutumu Costa Rica kwa kuihadaa nchi hiyo katika muda wa wiki chache zilizopita kuhusiana na mabadiliko hayo.

Mwaka jana biashara kati ya Costa Rica na China iliongezeka mara dufu kwa kiasi cha dola milioni 500. Tangu mwaka 2001 China imeweza kuzivuta nchi nane washirika wakubwa wa Taiwan, ikiwa ni pamoja na Chad na Macedonia.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com