1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BAGHDAD:Mashambulio ya mabomu yaendelea kuua raia Iraq

Kundi lenye mafungamano na mtandao wa kigaidi wa Alqaeda nchini Iraq limesema linawashikilia wanajeshi watatu wakimarekani waliotekwa nyara jumamosi.

Matamshi hayo yametolewa huku wanajeshi wakimarekani kiasi cha 4000 wakiendeleza opresheni ya kuwatafuta wanajeshi hao waliotoweka kusini mwa mji wa Baghdad.

Wakati hayo yakiendelea umwagikaji wa damu bado unaendelea.Watu zaidi ya 60 waliuwawa hapo jana na wengine zaidi ya 100 kujeruhiwa katika mashambulio mawili ya mabomu ya kutegwa ndani ya gari.

Katika eneo la kaskazini linalokaliwa na wakurdi mshambuliaji wakujitoa muhanga aliwauwa kiasi cha watu 50 na kuwajeruhi wengine zaidi ya 70 kwa kujiripua ndani ya gari lililokuwa limesheheni miripuko mjini Mahmur.

Katika mji mkuu Baghdad gari lililokuwa limeegeshwa karibu na soko la Sadriyah liliripuka na kuua watu takriban ya 11 na kujeruhi wengine 43.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com